सवारी दुर्घटनामा मोटरसाइकल चालकको मृत्यु

२४ बैशाख, काठमाण्डौँ– काठमाडौंको थानकोटमा भएको सवारी दुर्घटनामा मोटरसाइकल चालकको मृत्यु भएको छ ।

त्रिवेणी चोकस्थित सडकखण्डमा आज बिहान सवा बजे बा ११ च ५९८९ नम्बरको पिकअप भ्यानले बा ७८ प ९५३९ नम्बरको मोटरसाइकललाई ठक्कर दिंदा मोटरसाइकल चालकको निधन भएको हो ।

चालक धादिङ बस्ने १९ वर्षीय सन्दिप घलेको उपचारको क्रममा ट्रमा सेन्टरमा मृत्यु भएको छ भने पछाडी सवार सुन्धारा बस्ने १९ वर्षीय प्रभात वनजोर घाइते भएका छन् । घाइतेको सहिद मेमोरियल अस्पतालमा उपचार भैरहेको छ । दुर्घटनामा संलग्न सवारी साधनलाई महानगरिय प्रहरी वृत थानकोटले नियन्त्रणमा लिएको छ भने भ्यान चालक फरार रहेकोले खोजी कार्य भैरहेको छ ।