Friday 27th May 2022

    काठमाडौंलाई विश्वकै उत्कृष्ट सहर बनाउन लगाउनेछु : नवनिर्वाचित मेयर बालेन्द्र साह    सरकारले लिम्पियाधुरा फिर्ता ल्याउन नसकेर कायरता प्रदर्शन गरेको छ : ओली    काँग्रेसले आफ्नो पहिचान गुमाएको छ : ओली    केपी शर्मा ओलीको झण्डै तीन घण्टा संसदलाई सम्बोधन    यी हुन् डिएसए स्टार र ट्यालेन्ट स्टार नेपालका विजेता

संसद सुचारु गर्ने विषयमा सहमति जुटाउने प्रयासमा प्रमुख तीन दलको बैठक

Friday, May 5, 2017 National Power


२२ बैशाख, काठमाण्डौँ – संसद सुचारु गर्ने विषयमा सहमति जुटाउने प्रयासमा प्रमुख तीन दलको बैठक संसद भवन नयाँ बानेश्वरमा शुक्रबार सुरु भएको छ ।
सभामुख ओनसरी घर्ती समेतको उपस्थितिमा संसद भवन नयाँबानेश्वरमा सुरु बैठकमा नेपाली कांग्रेस, नेकपा एमाले र नेकपा माओवादी केन्द्रका शीर्ष नेता, प्रमुख सचेतक, कानुनमन्त्रीसहितको उपस्थिति छ ।

बैठकमा संविधानको दोश्रो संशोधन र प्रधानन्यायाधीश सुशीला  कार्कीविरुद्ध दर्ता भएको महाअभियोगको प्रस्तावमा राजनीतिक सहमति खोज्ने प्रयास गरिने नेताहरुले बताएका छन् ।प्रमुख प्रतिक्षी नेकपा एमालेले प्रधानन्यायाधीश कार्कीविरुद्धको महाअभियोग प्रस्ताव फिर्ता नलिएसम्म संसद चल्न नदिने अडान लिएपछि बिहीबारको बैठक राजनीतिक सहमतिका लागि भन्दै सुचना टाँसेर शुक्रबार विहान १० बजेसम्मका लागि स्थगित गरिएको थियो । यता नेपाली कांग्रेस र नेकपा माओवादीले भने महाअभियोग प्रस्ताव कुनै पनि अवस्थामा फिर्ता लिन नसक्ने बताउँदै आएका छन् । महाअभियोग प्रस्ताव फिर्ता नलिने भए तत्काल संसद बैठकमा भोटिङमा लैजानुपर्ने एमालेको प्रस्तावमा पनि सत्तासाझेदार दलले असहमति जनाएपछि संसदको गतिरोध उत्पन्न भएको हो ।