अपहरणमा परेका उम्मेदवार गिरीको अवस्था अझै सम्म अज्ञात

२१ बैशाख, काठमाडौं –  काठमाडौंको नागार्जुन नगरपालिका ७ का वडा अध्यक्षका उम्मेदवारको अवस्था अझै सम्म पनि अज्ञात छ । बुधबारदेखि सम्पर्क विहीन भएका नयाँ शक्ति पार्टीबाट वडा अध्यक्षका उम्मेदवार मदन गिरीको अवस्था अझै सम्म अज्ञात रहेको हो ।

गिरीको कार भने फेला परेको छ । उनको बा ११ च ४०२९ नम्बरको कार चाबीसहित नयाँ बजारमा फेला परेको छ । गिरीले बुधबार साँझ ७ बजे आफूलाई चार जनाले अपहरण गरेको म्यासेज नयाँ शक्तिका नेताहरुलाई पठाएका थिए । उनले आफूलाई बानेश्वरतर्फ लगिँदै गरेको बताएका थिए । त्यसपछि चाहिँ उनको फोन समेत अफ रहेको छ ।