महाअभियोग प्रस्तावले आज व्यवस्थापिका संसदमा प्रवेश पाउने

२१ बैशाख, काठमाडौं – निलम्वित प्रधानन्यायाधीश सुशीला कार्कीविरुद्ध दायर महाअभियोग प्रस्तावले आज व्यवस्थापिका संसदमा प्रवेश पाउने भएको छ ।

संसदको बैठक आज दिउसो बोलाइएको छ । संसदको आजको बैठकले छलफलका लागि समय र मिति तोक्ने सम्भावना रहेको संसद सचिवालय स्रोतले जनाएको छ । माओवादी र कांग्रेस केन्द्रका सांसदहरुले आइतबार कार्कीविरुद्ध महाअभियोग दर्ता गरेका थिए । प्रमुख प्रतिपक्षी दल नेकपा एमाले लगायतले महाअभियोग फिर्ता लिन माग गर्दै आएको छ ।