Tuesday 20th February 2024

    पाशुपत क्षेत्रमा पहिलो पटक स्वस्थानी माताको ब्रतकथा बाचन हुँदै    चलचित्र पत्रकार संघ नेपालको प्रथम राष्ट्रिय भेलामा चलचित्र निर्देशक खरेललाई मानार्थ सदस्यता प्रदान    खबरब्रेकिंग अनलाइन मिडियाका अध्यक्ष तथा प्रधान गैरे सम्मानित    कला सेरेङको कविता तथा गीत सङ्ग्रह ‘कलाका अन्तर्मन’ सार्वजनिक    एल एण्ड एन मोडल एजेन्सीको आयोजनामा ‘के टाउन रनवे २०२४’भव्य र सभ्य रुपमा सम्पन्न

आचारसंहिता पालना नगर्ने उमेदवारलाई कडा कारबाही गर्ने चेतावनी

Wednesday, May 3, 2017 National Power


२० बैशाख, काठमाडौं – निर्वाचन आचारसंहिता पालना नगर्ने उमेदवारलाई कडा कारबाही गर्ने चेतावनी निर्वाचन आयोगले दिएको छ ।
प्रमुख निर्वाचन आयुक्त डा. अयोधिप्रसाद यादवले निर्वाचन ऐन, नियम, कानुन र आचारसंहिता पालना नगर्ने उम्मेदवारलाई कडा कार्वाही हुने स्पष्ट पारे ।

उनले निर्वाचन आचारसंहिता पालना नगर्ने उमेदवार विजयी भएपनि कानुन पालना गर्न/गराउन नसक्ने पनि उल्लेख गरे । नेत्रहिन संघले बुधबार काठमाडौँमा आयोजना गरेको स्थानीय तहको निर्वाचनसम्बन्धि प्रशिक्षण कार्यक्रमलाई सम्बोधन गर्दै प्रमुख निर्वाचन आयुक्त यादवले निर्वाचन आचारसंहिता पालना भए/नभएको अनुगमन गरिदिन संचारकर्मीसँग पनि आग्रह गरे ।

निर्वाचन आयोगले स्थानीय तहको निर्वाचनमा जनता ज्यादै उत्साही भएको पनि जनाएको छ । प्रमुख निर्वाचन आयुक्त यादवले उम्मेदवारहरुको मनोनयन भईसकेपछि जनता आफ्ना प्रतिनिधि चयन गर्न झनै उत्साही गएर लागि परेको बताए ।प्रमुख निर्वाचन आयुक्त यादवले सबैलाई मतदानमा भाग लिन पनि पुनः आग्रह गरे । वैशाख ३१ गते ३४ जिल्लाका २ सय ८३ वटा स्थानीय तहमा मतदान हुँदैछ । निर्वाचन आयोगले मंगलबार मनोनयन भएका उम्मेदवारहरुको अन्तिम नामावली शुक्रबार प्रकाशित गरी निर्वाचन चिन्ह समेत प्रदान कार्यक्रम तय गरिएको छ ।