आगलागीमा परी एकै परिवारका तिन घाइते

२० बैशाख, काठमाडौं – ललितपुरको इमाडोलमा आज बिहान लागेको आगलागीमा परि एकै परिवारका तीनजना घाइते भएका छन् । इमाडोलको कृष्ण मन्दिर नजिक पर्ने ढुंगेसाँघु भन्ने ठाउँमा रहेको झोला बनाउने कारखानामा बिहान चार बजेतिर आगो लागेको प्रहरीले जनाएको छ ।

आगलागीमा परी त्यहिँ बस्ने र काम गर्ने सुशीला सापकोटा, उनकी छोरी १४ वर्षिया शुभेच्छा र १२ वर्षिय छोरा सुलभ घाइते भएका प्रहरीले जनाएको छ ।

घाइतेहरुको इमाडोलमा रहेको किस्ट अस्पतालमा उपचार भइरहेको छ । अगालागीका कारण एक करोड ६५ लाख रुपैयाँ बराबरको नोक्सानी भएको छ । आगो झण्डै चार घण्टापछि नियन्त्रणमा आएको छ ।