Friday 21st January 2022

    फेवातालमा तैरीरहेको अबस्थामा भेटीए विदेशी नागरीक    दलका धेरै नेतामा कोरोना संक्रमण    सुनको मूल्य तोलामा ९३ हजार ८०० रुपैयाँ पुग्यो    राष्ट्रियसभा निर्वाचनका लागि २१ बुँदे स्वास्थ्य सुरक्षा मापदण्ड अनिवार्य    राष्ट्रिय सभा निर्वाचनमा एमाले र लोसपाको गठबन्धन

एमालेले काठमाडौँ मेयरमा विद्यासुन्दर शाक्यलाइ उठाउने

Tuesday, May 2, 2017 National Power

१९ बैशाख, काठमाडौं – नेकपा एमालेले पार्टीभित्रको लामो विवादलाई समाधान गर्दै काठमाडौं महानगरपालिकाको मेयरमा विद्यासुन्दर शाक्यलाई उठाउने निर्णय गरेको छ । उपमेयरमा भने एमालेले राप्रपालाई छाडेको छ ।

महानगरपालिका मेयरका उम्मेद्वार शाक्य ०४९ र ०५४ सालको स्थानीय चुनावमा काठमाडौं २१ का वडाध्यक्ष थिए । उनी एमालेका काठमाडौं जिल्ला सचिव हुन् ।

महानगरको मेयरलाई लिएर एमालेभित्र विवाद थियो । माधव नेपाल पक्षका जीवनराम श्रेष्ठ, र वामदेव पक्षका केशव स्थापितले समेत मेयरमा दाबी गर्दै आएका थिए । गौरी प्रधान पनि मेयरका दाबेदार थिए ।

अन्तिम घडीमा एमाले नेता जीवनराम श्रेष्ठले केशव स्थापितलाई उठाउनुभन्दा विद्यासुन्दरलाई समर्थन गर्छु भन्दै पछि हटेपछि शाक्यका नाममा सहमति भएको हो । गौरी प्रधानले पनि आफू अमेरिका जान लागेको भन्दै दाबेदारी छाडेका थिए ।

शाक्य केपी ओली निकटका नेता हुन् ।