Wednesday 10th August 2022

    हेरिटेज ग्रुपको अधिराज्यव्यापी अधिकृत बिक्रेता कार्यगोष्ठी सम्पन्न    दोश्रो र तेश्रो संस्करणको जिनियस म्युजिक अवार्ड २०७८ सफलतापुर्वक सम्पन्न    संगीतकार योगेन्द्र उपाध्यायका तिनवटा गीति एल्बम एकसाथ बिमोचन    राष्ट्रिय युवा परिषद्ले भोलि प्रशिक्षण मुलक कार्यक्रम गर्दै    Embassy of Pakistan organized a talk programme on “Kashmirs’ Youm-e-Istehsal”,

१८ जिल्लाबाट झन्डै १५ सय उजुरी

Tuesday, May 2, 2017 National Power

१९ बैशाख, दाङ – घोराही दाङमा तराई मधेस र थरुहट क्षेत्रमा विभिन्न राजनीतिक दलहरुले गरेका आन्दोलनका क्रममा घटनाको छानविन गर्न बनेको उच्चस्तरीय जाँचबुझ आयोगमा १८ जिल्लाबाट झन्डै १५ सय उजुरी परेका छन् ।

घटनाको अध्ययनका क्रममा दाङ आइपुगेको आयोगको टोलीले सोमबार घोराहीमा पत्रकार सम्मेलन गरी सो जानकारी दिएको हो । आन्दोलनका क्रममा भएका हत्या, हिंसा, कुटपिट र आगजनी लगायतका घटनाको सत्यतथ्य छानविन गर्न बनेको उच्चस्तरीय आयोगका अध्यक्ष गिरिशचन्द्र लालले उजुरी दिएकाहरुलाई भेटेर घटनाबारे जानकारी लिने काम भइरहेको बताए । उनले अहिलेसम्म ९ जिल्लाका पीडितहरुसँग भेट गरिसकेको जानकारी दिए ।

आयोगले २०७२ साल साउन २ गतेदेखि २०७३ साल असोज १ गते सम्मका घटनाहरुलाई अध्ययन गरिरहेको र सबै पीडितहरुलाई भेटेर प्रतिवेदन बनाउने आयोगका सदस्य पूर्वएआइजी नवराज ढकालले जानकारी दिए ।