Monday 4th March 2024

    आमा कुजाईन रेस्टुरेन्टले क्यानडामा पायो क्यल्गरी बेष्ट न्यू रेष्टुरेष्ट २०२४ एभिन्यु क्यालगरी अवार्ड    लव प्याकुरेलको अध्यक्षतामा आइएनएनएफमा नयाँ कार्यसमितिको गठन    चिया कफी देउ सार्वजनिक (भिडियो सहित)    ‘सुगुप’को पुनः प्रदर्शन    नाममा आपत्ति जनाउँदै सेन्सर बोर्डले रोक्यो फिल्म ‘रंगेली’

राप्रपा सरकारबाट बाहिरियो

Tuesday, May 2, 2017 National Power

१९ बैशाख, काठमाडौं – प्रधानन्यायाधीश सुशीला कार्कीमाथि महाअभियोग लगाउने प्रस्तावको विरोध गर्दै राष्ट्रिय प्रजातन्त्र पार्टी सरकारबाट बाहिरिएको छ। संसदमा चौंथो ठूलो दल राप्रपाको केन्द्रीय कार्यसम्पादन समितिको सोमबार बसेको बैठकले महाअभियोगले न्यायपालिकाको मर्ममाथि प्रहार भएको ठहर गर्दै सरकारबाट बाहिरिने निर्णय गरेको हो। राप्रपाको बहिर्गमनसँगै सरकारले बहुमत गुमाए/नगुमाएको विषयमा चर्चा हुन थालेको छ। व्यवस्थापिका संसदमा ५ सय ९३ सांसदको प्रतिनिधित्व रहेको बेला सरकारलाई आवश्यक पर्ने मत २ सय ९७ हो। कांग्रेस २०७, माओवादी ८२ र नेकपा संयुक्त ३ का साथै १/१ सांसद भएका अखण्ड नेपाल र समाजवादी जनता पार्टी पनि सरकारमा छन्। यी दलको मत संख्या २ सय ९४ छ। यसका साथै विजय गच्छदार नेतृत्वको नेपाल लोकतान्त्रिक फोरमले सरकारलाई दिएको समर्थन फिर्ता लिएको छैन, यो पार्टीका १७ सांसद छन्। यस अतिरिक्त अन्य ४ सांसदसमेत सत्ता पक्षमा छन्। यस हिसाबले सत्ता पक्षमा ३ सय १६ मत रहेको देखिन्छ।