बिरामी बोकेको एम्बुलेन्स दुर्घटना हुँदा,तीन जना घाइते

१७ बैशाख, नवलपरासी – पश्चिमबाट पूर्व तर्फ जादै गरेको एम्बुलेन्स गत राति दुर्घटना हुँदा तीन जना घाइते भएका छन् ।

नवपरासीको सुनवल–७ ज्यामिरेमा राति २ बजे बाँकेबाट बिरामी बोकेर भरतपुरतर्फ जाँदै गरेको भे १ च १७४९ नम्बरको एम्बुलेन्स अनियन्त्रित भई सडक छेउमा दुर्घटनाग्रत भएको हो ।

दुर्घटनामा परी बाँके कोहलपुर नगरपालिका वार्ड नम्बर १२ बस्ने ५३ बर्षिया लिला केसी घाइते भएकी छिन् । अन्य दुई घाइतेको नाम ठेगाना नखुलेको प्रहरीले जनाएको छ ।

देवदह मेडिकल कलेज भलुहीमा घाइतेहरुको उपचार भइरहेको छ ।

एम्बुलेन्सको टायरको रड भाँचिदा अनियन्त्रित भई सडकमा पल्टेको जिल्ला प्रहरी कार्यालय नवलपरासीले जनाएको छ ।