Friday 29th March 2024

    चितवनमा बिभिन्न मनोरञ्जनात्मक कार्यक्रम सहित ‘होली विशेष २०८०’भव्यरुपमा सम्पन्न    सन्तोषको स्वरमा ‘हे मातृभूमि तिम्रा हामी सबै पुजारी …’ (भिडियोसहित)    ‘जुनियर मिस्टर एण्ड मिस इटहरी’को दोश्रो संस्करणको उपाधि विजेता बने बस्नेत र लुइँटेल    उपप्रधानमन्त्री लामिछानेले भने, ‘महाजात्रा हेरिरहँदा ऊर्जा महसुस गरेँ’    ११ औं म्यूजिक खबर म्यूजिक अवार्डको मनोनयन सार्वजनिक

ओलीलाई मनाउन शेरबहादुरको दौडधुप तर असफल

Saturday, April 29, 2017 National Power

१६ बैशाख, काठमाडौँ – नेपाली काँग्रेसका सभापति शेरबहादुर देउवा एमाले अध्यक्ष केपी ओली निवास वालकोट पुगेका छन् । आफ्ना पार्टीका वरिष्ठ नेताहरु सहित संविधान संसोधनको विषयमा एमालेलाइृ मनाउन देउवा वालकोट पुगेका हुन् । उनीसंगै वरिष्ठ नेता रामचन्द्र पौडेल, कृष्णप्रसाद सिटौला सहित बालकोट पुगेका हुन् ।

संविधान संशोधन र स्थानीय तह निर्वाचनबारे छलफल गर्न कांग्रेस नेताहरू बालकोट पुगेको  नेताहरूले बताएका छन् ।

दुर्इ पक्षीय छलफलमा एमालेका तर्फबाट पार्टी अध्यक्ष ओली र महासचिव ईश्वर पोखरेललगायत नेता  सहभागी छन् ।

संसदमा टेबुल भएको संविधान संशोधन प्रस्ताव पारित गर्न कांग्रेस नेताहरुले एमालेसँग आग्रह गर्दै आएका छन् । यसबारे संसदमा सम्भवतः आइतबार टुंगो लाग्नेछ ।

एमालेले संविधान संविधान संशोधनको विपक्षमा मतदान गर्ने बताइरहेका बेला नेपाली कांग्रेसले भने एमाले सहितको सहमतिमा संविधान संशोधन गर्ने प्रयत्न गरिरहेको छ ।

यसैविच दुइ नेता विचको वार्ता असफल भएको छ । आज भएको बैठकमा कांग्रेस नेताहरुले चुनाव गराउनु पर्ने भन्दै संविधान संशोधनमा सहमति गर्न प्रस्ताव गरेका छन् ।

तर, एमालेले अस्वीकार गरेको छ । संविधान संशोधन कुनै हालतमा पास हुन नदिने भन्दै एमाले अध्यक्ष केपी ओलीले ‘एमाले विना दुई तिहाई पुर्‍याउँछु भन्ने नसोचेपनि हुन्छ’ भनेका छन् ।

यसअघि प्रधानमन्त्री प्रचण्ड र माओवादी नेताहरुले एमाले नेतृत्वसँग लगातार दुई दिन छलफल गरेका थिए । तर, संशोधन पास हुन नदिने एमाले अडान कायमै छ ।