Thursday 18th August 2022

    आज ओल्के पर्व, सुदूरपश्चिममा सार्वजनिक बिदा    श्रीलंकाको हम्बनटोटामा जहाज पुगेपछि भारतको चिन्तामा चीनले दियो यस्तो जवाफ    'नेक्स्ट सुपर मोडल नेपाल २०२२'को आवेदन खुला, अडिसन भाद्र ११ मा हुने    राजनीतिक दल र आयोगका सबै गतिविधि निर्वाचन केन्द्रित    आशिका शाह र आयुष साउदले जिते मिस एण्ड मिस्टर ग्लोवको टाईटल

काेरियन प्रायद्विपमा यसरी हुँदैछ युद्धकाे तयारी

Friday, April 28, 2017 National Power

१५ बैशाख, काठमाडाैँ – केही दिन अघि उत्तर कोरियाले आफ्नो सेनाको ८५ औँ स्थापना दिवशको अवसरमा अहिले सम्मकै सबैभन्दा ठूलो सैन्य तथा हतियारको प्रदर्शन गर्यो । यसले पछिल्लो समय अमेरिकासंग बढेको दुरी र कोरियन प्रायदिपमा भइरहेको तनावको स्थितीलाइ संकेत गरेको थियो ।

प्राचिनकालमा युद्ध हुनुभन्दा पहिला शंखनाद गरेर युद्धको घोषणा गरिन्थ्यो । तर आजकाल युद्धको स्वरुप फेरिएको छ र युद्धको घोषणा शैली पनि । अहिले कोरियन प्रायदिपमा भइरहेको गतिविधि हेर्दा यस क्षेत्रमा कुनैबेला युद्धको शुुरुहुने संकेत गर्दछ ।

केही दिन अघिको सैन्यशक्ति प्रर्दशनको क्रममा उत्तर कोरियाले ३०० भन्दा बढी तोपको प्रयोग गरेको थियो । भलै उक्त समयमा तोपको निशाना समुन्द्र तर्फ थियो तर जरुरत परेको खण्डमा दक्षिण कोरिया तर्फ निशाना बनाउन सक्ने उस्को संकेत थियो । उत्तर कोरियासंग भएको प्रायजसो तोपको आक्रमण रेन्ज २५ किलोमिटरको छ भने ऊसंग भएका रकेट लन्चरहरुको आक्रमण रेन्ज ५० देखि ६० किलोमिटरको रहेको छ ।

उत्तरकोरियाको सिमाबाट साउथ कोरियाको राजधानी सिओल केवल ५६ किलोमिटरको दुरीमा रहेको छ । उत्तर कोरियाले अमेरिकाको विशेष सहयोग पाइरहेको साउथ कोरियालाइ जरुरत परेको खण्डमा केही मिनेटमानै सिओल ध्वास्त पार्न सक्ने संकेत गरेको बुझिएको छ ।

सिओलको वरिपरी करिब २ करोड भन्दा बढी मानिसको बसोबास रहेको बुझिएको छ । उत्तर कोरियाले ती सबै मानिसहरुलाई आफ्नो निसाना बनाउने धम्की मात्र दिएको छैन साउथको अर्को महत्वपूर्ण शहर ग्याङनामलाइ पनि निशाना बनाउन सक्ने रणनीति लिएको बुझिएको छ ।

उत्तर कोरियामात्र होइन साउथ कोरिया र अमेरिका पनि उत्तर संगको सम्भावित युद्धको लागि तायरी गरिरहेका छन् । साउथ कोरिया र अमेरिकी सैनिकहरुले संयूक्त रुपमा ११ दिन सम्म चल्ने सैनिक अभ्यास म्याक्स थन्डर को सुरुवात गरिसकेका छन् । साउथ र अमेरिकाले यो नियमित अभ्यास भनेतापनि उत्तरसंगको सम्भावित युद्धको अभ्यासको रुपमा लिइएको छ । यस अभ्यासमा दुवै देशले भारीमात्रामा फाइटर विमान, युद्धपोत, तथा अट्याक हेलिकप्टरको प्रयोग गरेका छन् । धेरैजसो अभ्यास उत्तर कोरियाको सिमाक्षेत्रमा गरिएको छ, जहाँ उनीहरु उत्तरलाइ आफ्नो ताकत देखाएर तर्साउन चाहन्छन् ।
यस अभ्यासमा भाग लिइरहेका अमेरिकी लेफ्टिनेन्ट कर्नेल मैथ्यु गार्नर आफुहरु कुनै बेला युद्धको लागि तयार भएको र यो किसिमको अभ्यास युद्धकै तयारी स्वरुप भएको बताउँछन् । आफ्नो २२ बर्षको सैन्य करियरमा अहिलेसम्म यस्तो किसिमको अभ्यास नभएको बताउँछन् ।

यस अभ्यासमा दुवै देशका स्थल, वायू र जालसेनाहरुले भाग लिइरहेका छन् भने अमेरिकाले परमाणु बोकेको पण्डुवीलाइ पनि साउथको समुन्द्री तटमा परिचालन गरेको छ । यस पण्डुवीबाट टमाहक नामक मिसलाइल पनि लन्च गर्न सकिने जनाएको छ । अमेरिकाको सबैभन्दा ठूलो युद्धपोत युएसएस कालविन्सन पनि उक्त क्षेत्रमा परिचालन गरिएको छ ।

यसैविच अमेरिकाले साउथ कोरियामा एन्टी मिसाईल व्यालेस्टिक पनि तैनाथ गरेको छ, जस्लाइ (THAAD) पनि भनिन्छ । जस्को अर्थ Terminal High Altitude Area Defense हुन्छ । यो डिफेन्स सिस्टम उत्तरबाट दक्षिण तर्फ छोड्ने मिसाइललाइ नष्ट गर्नको लागि सक्षम मानिन्छ ।

तर थाडको तैनाथका सम्बन्धमा साउथ कोरियामा नै सुरु भएको छ । जब अमेरिकाले थाडलाइ परिचालनको लागि लग्दै थियो साउथ कोरियाका नागरिकहरुले विरोध गरेका थिए । उनीहरुले अमेरिकालाइ तिमि मित्र हौ की कब्जा गर्न आएका सेना हौ भनेर प्रश्न समेत गरेका थिए ।

जुन ठाउँमा थाडको स्थापना गर्न लागिएको छ, उक्त क्षेत्रका नागरिकहरु आफ्नो देशको सरकार र अमेरिकासंग रुष्ट बनेका छन् । यस किसिमको कार्यबाट उत्तर कोरिया रिसाउने र त्यहाँका नागरिक उस्को निशानामा पर्न भय उनीहरुको छ ।

यसबाट अर्को छिमेकी राष्ट्र चीन पनि रुष्ट बनेको छ । अमेरिकाले दक्षिणलाइ सघाउने नामका स्थापना गरेको थाडको शक्तिशाली राडरले चीनको निगरानी गर्ने भय चीनलाइ छ ।

यसरी हेर्दा कोरियन प्रायदिप निकैनै संवेदनशील भइसकेको छ । कुनै पनि बेला कुनै पनि देशको सानो भन्दा सानो गतिविधिले पनि ठूलो युद्धको सुरुवात हुन सक्नेछ, जुन तेश्रो विश्वयुद्धमा परिणत हुन सक्नेछ ।

 

अन्तराष्ट्रिय एजेन्सीहरूकाे सहयाेगमा नवराज दुवाडीकाे रिपाेर्ट