१४ बैशाख, काठमाण्डौ – बैशाख महिना सुरु भएसँगै बिहेको सिजन सुरु भएको मानिन्छ । यो बेला सुनको निकै खपत हुन्छ । तर खुसीको खबर, नेपाली बजारमा बिहीबार सुनको भाउमा केही कमी आएको नेपाल सुनचाँदी व्यवसायी महासंघले जनाएको छ ।
अघिल्लो दिनको तुलनामा आज सुन तोलामा एक सय रुपैयाँले सस्तिएको हो । सुन प्रतितोला ५४ हजार ६ सय रुपैयाँमा कारोवार भइरहेको छ । बुधबार भने सुनको भाउ तोलाको ५४ हजार ७ सय रुपैयाँ थियो ।