अन्दाजी ३३ वर्षीय युवकको शव फेला

१२ बैशाख, कञ्चनपुर – कञ्चनपुरको कृष्णपुर नगरपालिकाको जयनारायण पेट्रोल पम्प नजिक खेतमा आज अन्दाजी ३३ वर्षीय युवकको शव फेला परेको छ ।

बेलौरी नगरपालिका सडक घाट घर भएका सन्तुराम चौधरीको शव खेतमा प्रहरीले फेला पारेको हो ।चौधरी ट्र्याक्टर चालकका रुपमा कार्यरत थिए । खेतमा शङ्कास्पद अवस्थामा शव फेला परेकाले अनुसन्धानको कार्य भइरहेको इलाका प्रहरी कार्यालय कृष्णपुरले जनाएको छ । चौधरीको अहिलेसम्म मृत्युको कारण भने खुल्न सकेको छैन ।