विजय लामा बने कुलमान, जनार्दनको भूमिकामा राजेश हमाल (भिडियोसहित)

७ वैशाख, काठमाडौं उपत्यका लोडसेडिङमुक्त भएको छ । नेपाल विद्युत् प्राधिकरणका प्रबन्ध निर्देशक कुलमान घिसिङले लोडसेडिङ अन्त्यका लागि गरेको प्रयास र विगतमा भएका बेतिथि अब फिल्ममा उतारिएको छ ।

अभिमन्यु निरवीको यो कथामा सरोज ओलीले निर्देशित गरेको छोटो फिल्म ‘उज्यालो नेपाल’ मा तिनै कथालाई विषयवस्तुकोरुपमा समेटिएको छ । प्राधिकरणका चर्चित पात्र विजय लामा कुलमानको भूमिका र राजेश हमाल बहालावाला ऊर्जामन्त्री जनार्दन शर्माको भूमिकामा देखिएकाछन् । निर्देशक ओलीले प्राधिकरणका विगतका बेथितिलाई गहिरो अध्ययन गरेर नै फिल्ममा उतारिएको बताए ।

फिल्ममा राजेश हमाल, विनोद राई, अर्जुन श्रेष्ठ, विजय लामासँगै गौरी मल्ल, निर्मल शर्मा, नम्रता सापकोटा, केशव भट्टराई, रबि शर्मा, विष्णु बुढाथोकीलगायतका कलाकारले अभिनय गरेका छन्।