१ सय १३ किमि सडक कालोपत्रे गर्ने काम सकियो

८ वैशाख, काठमाण्डौं – मध्यपहाडी लोकमार्गको को भौतिक पूर्वाधार तथा यातायात मन्त्रालयले जनाएको छ । पाँचथरको चियोभञ्ज्याङबाट सुरु हुने यो राजमार्ग बैतडी झुलाघाटमा टुंगिन्छ ।

पूर्वदेखि पश्चिमसम्मको सबै खण्डमा ट्रयाक खोल्ने काम सकिएको सडक विभागले जनाएको छ । सम्पूर्ण सडक ४ वर्षभित्र कालोपत्रे गरिने विभागका एक अधिकारीले दाबी गरे । पश्चिम खण्डमा १४ जिल्ला पर्छन्, तीमध्ये १० जिल्लामा कालोपत्रे भइरहेको र हालसम्म ६ अर्ब रुपैयाँ खर्च भइसकेको अधिकारीले बताए ।

पूर्वी खण्डका प्रमुख सतेन्द्र शाक्यले चियोभज्याङमा ट्रयाक खोल्ने काम भए पनि कालोपत्रे गर्न समस्या भएको बताए । सम्पूर्ण राजमार्ग कालोपत्रे भए मध्यपहाडी भेगमा बस्ने मानिसको जीवनस्तरमा परिवर्तन आउने उनले बताए ।

सरकारले २० वर्षमा प्रत्येक सहरमा १ लाख जनसंख्या अटाउने महत्त्वाकांक्षी योजनासाथ पाँचथरको फिदिम, धादिङको बैरेनी गल्छी, तेह्रथुमको वसन्तपुर, रुकुमको चौरजहारी,
सिन्धुलीको खुर्कोट, तनहुँको डुम्रे, बागलुङको बुर्तीबाङ, दैलेखको राकम, अछामको साँफेबगर र बैतडीको पाटनलाई नयाँ सहर घोषणा गरिसकेको छ ।