बैगलोरद्वारा गुजरात पराजित, गेलको १० हजार रन पुरा

६ बैशाख, भारत – आइपिएल अन्तर्गत हिजो भएको खेलमा रोयल च्यालेन्जर बंैगलोर विजयी भएको छ ।
राजकोटमा भएको खेलमा बंैगलोरले गुजराल लायन्सलाई २१ रनले पराजित गरेको हो । टस हारेर पहिले व्याटिङ गरेको बैंगलोरले क्रिस गेलको विस्फोटक व्याटिङको मद्दतले निर्धारित २० ओभरमा २ विकेट गुमाइ २१३ रनको विशाल योगफल तयार पारेको थियो ।

उसका लागि ओपनर क्रिस गेलले ३८ बलमा ७७ रन बनाउँदा कप्तान विराट कोहलीले ६४ रनको योगदान गरेका थिए । त्यस्तै त्रविस हेडले ३० तथा केदार ज्यादवले ३८ रन बनाए । गुजरातका लागि धवल कुलकर्नी र बासिल थम्पीले १–१ विकेट लिएका थिए ।

जवाफमा २१४ रनको विजयी लक्ष्य सहित मैदानमा उर्तेको गुजरातले २० ओभरमा ७ विकेट गुमाएर १९७ रन मात्र बनाउन सक्यो । ओपनर तथा पुर्व न्युजिल्याण्डका क्याप्टेन ब्रेडम म्याकुलमले ७२ रन बनाउँदा युवा ब्याट्सम्यान ईसान किसानले ३९ रनको पारी खेले पनि गुजरातलाई विजय गराउन सकेनन् । बंैगलोरका लागि युजविन्दर चाहलले ३ विकेट लिएका थिए भने पवन नेगी, एडम मिल्ने र श्रीनाथ अरविन्दले १–१ विकेट लिएका थिए ।

गेलको १० हजार रन पुरा
यसै विच वेष्टविन्डिजका क्रिस गेल २०–२० क्रिकेटमा १० हजार रन बनाउने पहिलो खेलाडी बनेका छन् । उनले आफ्नो इनिङको चौथो ओभरको पहिलो बलमा १ रन लिँदै १० हजार रन बनाएका हुन । पछिल्लो समय आफ्नो देशको जर्सीमा कमै मात्रामा मैदानमा उत्रिएका गेलले विभन्न १४ टिमका लागि खेल्दै उत्त रेकर्ड बनाएका हुन् ।