Tuesday 21st September 2021

    ‘अनलाइन एक्टिङ कम्पिटिसन’ को विजेता बने मनिष पाण्डे    रोमन परियार र रिया नापितलाई ‘मिस्टर एण्ड मिस ग्ल्यामर’को ताज    गायक सुनिल थापा मगरको मर्मस्पर्शी गीत 'निर हो' सार्वजनिक    ‘मिस्टर एण्ड मिस टिन ग्ल्याम नेपाल २०२१’ को उपाधी सुमन तामाङ र निर्जला रजकले जिते    चिज कुमार श्रेष्ठको अभिनयमा जे बि बिष्टको सन्देशमुलक गीत सार्वजनिक

चुनावको छलफल गर्न मुख्य पाँच दलको बैठक बस्दै

Wednesday, April 19, 2017 National Power

६ बैशाख, काठमाण्डौँ – बैशाख ३१ गते हुन गइरहेको चुनावको तयारीका विषयमा छलफल गर्न मुख्य पाँच दलको बैठक बस्दैछ । निर्वाचनको विषयमा धेरैथरी टिप्पणी आइरहेका बेला साझा धारणा बनाउन मुख्य पाँच दलको बैठक बस्न लागेको हो ।

प्रधानमन्त्री निवास बालुवाटारमा अहिले केहीबेरमा बस्ने बैठकमा नेपाली कांग्रेस, नेकपा एमाले, नेकपा माओवादी केन्द्र, राष्ट्रिय प्रजातन्त्र पार्टी र मधेसी जनअधिकार फोरम लोकतान्त्रिकका शीर्ष नेता सहभागी हुने प्रधानमन्त्रीको निजी सचिवालयले जनाएको छ ।

सत्तारुढ कांग्रेसकै केही नेताहरुले निर्वाचन सार्नु पर्ने र दुई चरणमा गर्नुपर्ने अभिव्यक्ति दिइरहेका बेला प्रधानमन्त्री पुष्पकमल दाहालले तोकिएको मितिमै निर्वाचन हुने भन्दै सुरक्षा निकायका प्रमुखहरुलाई आश्वस्त बनाएका छन। निर्वाचन आयोगले पनि निर्वाचनको मिति नसर्ने प्रष्ट पारेको छ । निर्वाचन बिथोल्ने गरी मधेसी मोर्चाले आन्दोलनका कार्यक्रम घोषणा गरेपनि कुनै हालतमा निर्वाचन सफल पार्ने गरी एउटै धारणा बनाउन प्रधानमन्त्रीले पाँच दलको बैठक आह्वान गरेको हो ।