दाजुको छुरा प्रहारबाट बहिनी घाइते

४ बैशाख, मोरङ – विराटनगर– ४ स्थित पोखरीयामा आइतबार दाजुको धारीलो छुरा प्रहारबाट बहिनी घाइते भएकी छिन्।

सोही ठाउँका आफ्नै दाजू २३ बर्षिय आशाराम राजवंशीले घरायसी विवादका कारण आफ्नै १६ वर्षिया बहिनी पुजन राजवंशीलाई छुरा प्रहार गरेका हुन् ।

छुरा प्रहारबाट ढाडमा चोट लागेकी पुजनको कोशी अञ्‍चल अस्पताल विराटनगरमा उपचार भइरहेको छ भने छुरा प्रहार गर्ने दाजु आशारामलाई जिल्ला प्रहरी कार्यालय मोरङले नियन्त्रणमा लिएको छ।