पौडी पोखरीमा डुबेर किशोरको मृत्यु

४ बैशाख, चितवन – चितवनको खैरहनीस्थित कङ्कालीमा रहेको पौडी पोखरीमा डुबेर आज एक किशोरको मृत्यु भएको छ ।

गर्मीको समयमा कङ्काली डाँडामा आज दिउँसो पौडी खेल्न गएका काठमाडौँका १६ वर्षीय रोजन तिमिल्सिनाको डुबेर ज्यान गएको जिल्ला प्रहरी कार्यालयले जनाएको छ। मृतक तिमिल्सिनाको शव परीक्षणका लागि भरतपुर अस्पताल ल्याइएको छ ।

तिमिल्सिना चितवनको राप्ती नगरपालिका–८ स्थित मामाघरमा घुम्नका लागि आएका थिए, उनी साथीहरुसँगै आज पोखरीमा पौडी खेल्न गएका थिए ।