राजकीय भ्रमणमा राष्ट्रपति आज भारत जाँदै

४ बैशाख, काठमाण्डौँ – राष्ट्रपति विद्यादेवी भण्डारी पाँच दिने राजकीय भ्रमणमा आज भारत प्रस्थान भएकी छन् । आज हुने राष्ट्रपतिको औपचारिक राजकीय भ्रमणको सम्पूर्ण तयारी पूरा भएको जनाएको छ ।
४ वैशाख बिहान ११ बजे नेपाल एयरलाइन्सको आरए २०५ नम्बरको उडानबाट बिहान ११ बजे भारत प्रस्थान गर्ने कार्यक्रम रहेको परराष्ट्र मन्त्रालयले जनाएको छ । राष्ट्रपति भण्डारीको यो पहिलो राजकीय विदेश भ्रमण हो ।
भारतीय राष्ट्रपति प्रणव मुखर्जीको औपचारिक निमन्त्रणामा राष्ट्रपति भण्डारी नयाँ दिल्ली प्रस्थान गर्न लागेकी हुन । गत वर्ष भारतीय राष्ट्रपति मुखर्जीले नेपालको राजकीय भ्रमण गरेका थिए । वैशाख ८ मा राष्ट्रपति स्वदेश फर्किने कार्यक्रम रहेको छ ।