Tuesday 18th May 2021

    धुलिखेलकाे पात्लेखेतमा काेराेना संक्रमितलाई स्वास्थ सामाग्री वितरण    तीन वटा संस्था मिलेर समाजसेवा गर्दै    हामी छौ तपाईंको सेवामा भन्दै आए बनेपाका युवा    सुवेदीको घाम चर्केको छ बजारमा (भिडियो सहित)    आज नगरे कहिले गर्ने हामीले नगरे कसले गर्ने ; राजन थापा

छनौट भएका १४ म्यादीले बीचमै तालिम छाडे

Friday, April 14, 2017 National Power


१ बैशाख,अछाम-आउँदो स्थानीय तहको चुनावमा सुरक्षाका लागि भर्ना भएका म्यादि प्रहरीमध्ये अछाममा १४ जनाले वीचमै तालिम छोडेका छन् । भर्ना हुँदा निकै भिडभाड र तछाडमछाड गरी छनौट भएका म्यादी प्रहरीमध्ये १४ जनाले तालिम पूरा नगरी विचमै तालिम छोडेका जिल्ला प्रहरी कार्यालय अछामले जनाएको छ ।

आउँदो बैशाख ३१ गते हुने स्थानीय तहको चुनावका लागि अछाम जिल्लाबाट महिला र पुरुष गरी ९ सय ४१ जना म्यादी प्रहरी छनौट भएका थिए । छनौट भएका म्यादी प्रहरीलाई जिल्लाका विभिन्न ५ ठाउँमा तालिम दिईरहेको र १४ जनाले वीचमै छोडेका अछामका प्रहरी प्रमुख डिएसपी निरञ्जनदत्त भट्टले बताउनु भयो । छनौट भएका म्यादी प्रहरीलाई आवश्यक्ता अनुसार जिल्लाका विभिन्न मतदान केन्द्र तथा केहीलाई अन्य जिल्लामा समेत पठाउन सकिने बताईएको छ ।