६५ दलले नयाँ चरणको संघर्षका कार्यक्रम घोषणा गर्ने

३१ चैत्र, काठमाडौं – दलीय चुनाव चिन्हको माग गर्दै संघर्षरत नयाँ शक्तिसहितका ६५ दलले आज नयाँ चरणको संघर्षका कार्यक्रम घोषणा गर्ने भएका छन् ।
निर्वाचन आयोगका कार्यलय घेराउदेखि विरोध प्रर्दशनका कार्यक्रमपछि उनीहरुले रिले अनसनको कार्यक्रम घोषणा गर्दैछन् । अनसनको बैशाख २ गते बिहान ८ बजे विरोधसभा गरेर शुरु हुने बताइएको छ । सबै दलका शिर्ष नेताहरूबाट रिले अनसनको सुरुवात गर्ने जनाइएको छ । नयाँ शक्तिसहितका दलहरुले संयुक्त संघर्ष समिति बनाएर आन्दोलन गरेका छन् भने उनीहरुको यो दोस्रो चरणको कार्यक्रम हो ।

नयाँ शक्तिसहितका ६५ दलले आज पत्रकार सम्मेलन गरेर संघर्षका कार्यक्रम घोषणा गर्दैछत् । पत्रकार सम्मेलन दिँउसो दुई बजे बोलाइएको छ । पत्रकार सम्मेलनमा नयाँ शक्तिका संयोजक डा.बाबुराम भट्टराई आफै पनि सहभागी हुने नयाँ शक्तिले जनाएको छ ।