३० चैत, प्यूठान – माछा मार्ने क्रममा प्यूठानमा एकजना युवाको करेन्ट लगाएर मृत्यु भएको छ । झिमरुक गाउँपालिका–५, निवासी केशव जिसी माछा मार्ने क्रममा करेन्ट लागेर घाइते भएका थिए ।
साथीहरु संग गएराती झिमरुक खोलामा करेन्ट लगाई माछा मार्न गएका १७ वर्षिय जिसी घाइते भएका हुन् । घाइते उनलाई उपचारका लागि स्थानीय स्वास्थ्य संस्थामा उपचार गराउँदै गर्दा मृत्यु भएको प्रहरीले जनाएको छ । जिसीसँगै माछा मार्न गएका ४ जनालाई पक्राउ गरी सोधपुछ भइरहेको बताएको छ।