Wednesday 10th August 2022

    विद्यालयको व्यवस्थापन समितिको अध्यक्षमा सानुकाजी थापा चयन     हेरिटेज ग्रुपको अधिराज्यव्यापी अधिकृत बिक्रेता कार्यगोष्ठी सम्पन्न    दोश्रो र तेश्रो संस्करणको जिनियस म्युजिक अवार्ड २०७८ सफलतापुर्वक सम्पन्न    संगीतकार योगेन्द्र उपाध्यायका तिनवटा गीति एल्बम एकसाथ बिमोचन    राष्ट्रिय युवा परिषद्ले भोलि प्रशिक्षण मुलक कार्यक्रम गर्दै

भीषण आगलागीमा ५० घर जलेर नष्ट

Tuesday, April 11, 2017 National Power

२९ चैत, सिरहा – सिरहाको सखुवा नन्कारकटी–८ सिमराहास्थित दलित बस्तीमा गएराति भएको भीषण आगलागीमा ५० घर जलेर नष्ट भएका छन्। स्थानीयवासी हरिनारायण मण्डलको परालको थुप्राबाट आगो सल्केर सोमबार साँझ ५ बजेदेखि सुरु भएको आगलागी वारुणयन्त्रको सहयोगमा स्थानीयवासी र प्रहरीको प्रयासबाट राति ९ बजेतिर मात्र नियन्त्रणमा आएको थियो।

आगलागीबाट स्थानीय ३५ परिवारका घर जलेर नष्ट भएको इप्रका, महेशबारी सिरहाले जनाएको छ। आगलागीमा परी चार गोरु, आठ बाख्रा तथा स्थानीयवासीको घरमा भएका गरगहना, फर्निचर, खाद्यान्न, भाँडाकुँडालगायत सम्पूर्ण सामान जलेर नष्ट भएको छ । आगलागी करिब डेढ करोडभन्दा बढी मूल्य बराबरको क्षति भएको प्रारम्भिक अनुमान गरिएको छ।

आगलागीलगत्तै लहान, सिरहा र राजविराज नगरपालिकाका वारुणयन्त्रलाई खबर गरिए पनि वारुणयन्त्र ढिलो गरी आएकाले आगलागीबाट ठूलो धनजनको क्षति भएको स्थानीयवासीले गुनासो गरे।

यसैगरी सिरहाको कल्याणपुर नगरपालिका–७ स्थित धु्रवतारा बोर्डिङ स्कुलमा गए राति १२ बजेतिर भएको आगलागीमा तीन लाख ५० हजार बराबरको क्षति भएको छ। आगलागीबाट स्कुलको भवन तथा फर्निचरसमेत जलेर नष्ट भएको प्रहरी चौकी, भेडियाले जनाएको छ।