Tuesday 29th November 2022

    ‘गोर्खा वारियर’को फस्ट लुक्स, सन १९४९ को युद्ध कथा    एमसीसी अन्तर्गत बन्ने ३०० किलोमिटर प्रसारणलाइनको ठेक्का आह्वान    इनास अमेरिकाद्वारा स्रष्टा सम्मान सहितको सांस्कृतिक कार्यक्रम भव्यरुपमा सम्पन्न    अमेरिकी दूतावासले हिउँ चितुवाका फेक तस्बिरु हटाउने    इनास अमेरिकाले सात जनालाई सम्मान गर्दै

संविधान संशोधन विधेयक सरकारद्वारा  फिर्ता

Tuesday, April 11, 2017 National Power

२९ चैत्र, काठमाण्डौँ – व्यवस्थापिका संसदमा पेस भएको संविधान संशोधन (दोस्रो संशोधन) विधेयक सरकारले फिर्ता लिएको छ ।

मंगलबार बसेको संसद बैठकमा सरकारका तर्फबाट कानुनमन्त्री अजयशंकर नायकले संशोधन विधेयक फिर्ता लिएका हुन् । उक्त विधेयक एमाले लगायत ९ दलको विरोधका बीच गत पुस २४ गते सरकारले सदनमा पेस गरेको थियो । विपक्षीहरुले प्रस्ताव देशको हित विपरीत भन्दै विरोध जनाएका थिए । प्रदेशको सीमा, राष्ट्रिय सभामा प्रतिनिधित्व, वैवाहिक अंगीकृत नागरिकता र भाषाजस्ता संवैधानिक व्यवस्थामा संशोधन गर्ने प्रस्ताव थियो ।

संयुक्त लोकतान्त्रिक मधेसी मोर्चाले उठाउँदै आएको माग सम्बोधनका लागि भन्दै संसद सचिवालयलमा गत मंसिर १४ गते दर्ता भएको थियो । उक्त विधेयक मोर्चा घटक दलहरुले समेत मानिरहेका थिएनन् ।

सरकारले विधेयक फिर्ता लिएसँगै संविधान संशोधनको नयाँ प्रस्ताव लैजाने तयारी गरेको छ । नयाँ प्रस्ताव सोमबार बसेको मन्त्रिपरिषद् बैठकले पारित गरेको थियो । मधेसी मोर्चाले नयाँ प्रस्तावमा समेत समर्थन गर्ने र नगर्ने अझै निश्चित भएको छैन ।