जीप दुर्घटनामा हवल्दारको मृत्यु,सशस्त्रका डिएसपी गम्भीर घाइते

२८ चैत, दोलखा – शसस्त्र प्रहरीका डिएसपी सम्भुजंग थापा सहितका प्रहरी कर्मचारी सवार दोलखाको सिंगटी नजिकै पर्ने विगु गाउँपालिका–७ मा जीप दुर्घटनाग्रस्त भएको छ ।
दोलखाको लामाबगरबाट चरिकोटतर्फ आउँदै गरेको जिप बिगु–६ स्थित सडकबाट करिब २५० फिट तल खसेको जिल्ला प्रहरी कार्यालय दोलखाका डिएसपी रविन कार्कीले जानकारी दिए ।
कालीञ्चोक गाउँपालिस्थित अपर तामाकोसी हाईड्रोपावर सुरक्षा बेस इन्चार्जका रुपमा कार्यरत डिएसपी थापा दुर्घटनामा परेर गम्भीर घाईते भएका छन् । उनको टाउको र घाँटीमा चोट लागेको बताइएको छ भने शसस्त्रका जवान शिव कुसवार माझी घाइते भएका छ । जीपमा सवार हवल्दार मोहन बहादुर घिमिरेको मृत्यु भएको बताइएको छ । घाइते डिएसपी र जवानलाई थप उपचारको लागि काठमाडौं पठाईएको कार्कीले जानकारी दिए ।