अवैध बोईलर कुखुरा सहित ६ जना पक्राउ

२७ चैत बर्दिया – शनिबार भारतबाट भन्सार छली अवैध रुपमा ल्याइएको करिब पौने चार क्विन्टल बोइलर कुखुरा सहित ६ जना युवा पक्राउ परेका छन् ।

बढैयाताल गाउँपालिका सीतापुर चोकबाट जिल्ला प्रहरी कार्यालय बर्दियाबाट खटिएको विशेष टोलीले उनीहरुलाई पक्राउ गरेको हो ।

प्रहरीले भारतबाट भन्सार छली अवैध रुपमा कुखुरा ल्याउँदै गरेको अवस्थामा बाँके बनकटुवा–९ बस्ने १७ वर्षीय टेकराज पोखरेल, २१ वर्षीय जयसिङ ठकुरी, २४ वर्षीय सुरेश सिंह, १८ वर्षीय कृष्ण बुढाक्षेत्री, १४ वर्षीय विवन थापामगर र १६ वर्षीय मनिस पुनमगरलाई पक्राउ गरेको जनाएको छ ।

जिल्ला प्रहरी कार्यालय बर्दियाले पक्राउमा पर्ने सबै जनालाई आवश्यक कारबाहीको लागि पशु क्वारेन्टाइन गुलरियामा पठाइएको जनाएको छ ।