नेपालगंज महोत्सवमा, खेलकुद तर्फको प्रतियोगिता सुरु

२५ चैत, नेपालगन्ज – क्रियटिभ ह्यान्ड्स, सेलिब्रेटी खबर डटकम, सिद्धार्थ गु्रप र क्रियटिभ ग्रुपकोसंयुक्त आयोजनामा आजबाट सप्ताहव्यापी नेपालगन्ज महोत्सव सञ्चालन भएको छ ।

चैत ३१ गतेसम्म सञ्चालन हुने महोत्सवअन्तर्गत साहित्य सम्मेलन, चित्रकला प्रदर्शनी, संस्कृति, डकुमेन्ट्री फिल्म प्रदर्शन, खेलकुद तथा पर्यटनसँग सम्बन्धित कार्यक्रम आयोजना गरिने भएको छ ।

खेलकुद अन्तर्गत आज भएको १५ किमीको साइकल दौड प्रतियोगितामा प्रकाश बोहरा प्रथम, गोविन्दप्रसाद रिजाल द्वितीय र गगनसिंह थापा तृतिय भए ।

विजेतालाई नेपाल प्रज्ञा–प्रतिष्ठानका कुलपति गङ्गाप्रसाद उप्रेती, सदस्य–सचिव विजेन्द्रदेव गिरी र अञ्चल प्रहरी प्रमुख प्रहरी वरिष्ठ उपरीक्षक महेशविक्रम शाहले माउन्टेन बाइक पुरस्कार प्रदान गरेका हुन ।