दशौं संस्करणको आईपीएल आजबाट सुरु हुँदै

२३ चैत, काठमाडौं  – इन्डियन प्रिमियर लिग क्रिकेट (आईपीएल) को दशौं संस्करण बुधबारबाट सुरु हुँदैछ ।

बुधबार बेलुका विश्व क्रिकेटमा लोकप्रिय रहेको आईपीएलको दशौं संस्करण हैदरावादमा एक कार्यक्रमकाबीच औपचारिक उद्घाटन हुनेछ ।

यस सस्करणको बिजेताले २२ करोड भारु प्राप्त गर्ने छन् भने उपविजेताले ११ करोड भारु पाउने छन् । यस्तै तेस्रो र चौथोले समान ७ करोड ५० लाख भारु प्राप्त गर्नेछन् ।

बुधबार बेलुका हुने उद्घाटन खेलमा सनराईजर्स हैदरावाद अष्ट्रेलियन डेभिड वार्नरको कप्तानीमा मैदान उत्रनेछ ।

हैदरावादस्थित राजिव गान्धी अन्तर्राष्ट्रिय क्रिकेट स्टेडियममा हुने उद्घाटन खेलमा घरेलु टोली तथा साविकको बिजेता सनराईजर्स हैदरावादले रोयल च्यालेंजर्स बैंगलोरको सामना गर्नेछ ।

सन् २००८ बाट सुरु टि – ट्वान्टी फर्म्याटको लोकप्रिय आईपिएल आगामी मे २१ तारिख सम्म चल्ने छ ।

रोयल च्यालेंजसविरुद्धको उद्घाटन खेलमा सनराईजर्सले युवराज सिहं, शिखर धवन, केन विलीयम्स, मुस्ताफिजुर रहमान, आशिस नेहेरा जस्ता चर्चित अनुहार मैदान उतार्ने छन् ।