Saturday 13th April 2024

    चेतन कार्की र निशा स्मृति पुरस्कार बैशाख १३ गते प्रदान गरिने    नयाँ वर्षको कार्यक्रममा लाईभ सांगितिक प्रस्तुतिका लागि प्रख्यात बलिउड गायक र र्‍यापर मेलो डी नेपालमा    चेम्बर आन्दोलनकै सशक्त नारी हस्ताक्षर उर्मिला श्रेष्ठ चेम्बर उपाध्यक्षमा निर्वाचित (जीवनीसहित)    आध्यात्मिकता र आधुनिकताको सुन्दर संयोजनस् कश्यप एकेडमी    होलिडे ट्रिप नेपाल ट्राभल एण्ड टुर्स प्रालिका प्रवन्ध निर्देशक कार्की सम्मानित

नयाँ शक्तिका नेता–कार्यकर्ता र प्रहरीबीच तनाव

Monday, April 3, 2017 National Power

२१ चैत, काठमाडौं – आज पनि नयाँ शक्तिका नेता–कार्यकर्ता र प्रहरीबीच तनाव भएको छ । काठमाडौंको बहरमहलस्थित जिल्ला निर्वाचन कार्यालय नजिकै हनुमानथानमा नयाँ शक्तिका नेता–कार्यकर्ताले प्रदर्शन गरिरहेका छन् ।

काठमाडौं जिल्ला प्रशासन कार्यलयले हनुमानथान लगायतका क्षेत्रमा निषेधित क्षेत्र घोषणा गरेको छ भने निषेधित क्षेत्र तोडेको भन्दै प्रहरीले नयाँ शक्तिका संयोजक डा.बाबुराम भट्टराईसहितका ६० भन्दा बढी नेता–कार्यकर्तालाई झन्डै १२ घण्टा नियन्त्रणमा राखेको थियो ।आइतबार केन्द्रीय कार्यलय घेराउ गरेको नयाँ शक्तिले आज देशभरका जिल्ला निर्वाचन कार्यलय घेराउको कार्यक्रम राखेको थियो । माईतिघर मण्डला हुँदै जिल्ला अदालत प्रवेशमार्ग हुँदै हनुमानथान मन्दिरसम्मको क्षेत्रलाई निषेधित क्षेत्र घोषणा गरिएको छ ।आज ७५ वटै जिल्लाका निर्वाचन कार्यालयहरुमा नयाँ शक्तिले धर्ना दिने कार्यक्रम बनाएको थियो । नयाँ शक्ति पार्टीलगायत अन्य चुनाव चिन्ह नपाएका दलहरुले संयुक्त रुपमा आन्दोलनमा छन् । निर्वाचन आयोगमा विधिवत रुपमा दर्ता भएको नयाँ दललाई संविधानप्रदत्त पाउनुपर्ने दलीय चुनाव चिन्ह पाउने अधिकारबाट बञ्चित गरिएको उनीहरुको भनाई छ । हाल संसदमा प्रतिनिधित्व गर्ने दलहरुलाई मात्र चुनाव चिन्ह दिने कानूनी व्यवस्था सरकारले गरेको छ ।