म्यादी प्रहरी छनोटमा अनियमितता भएको भन्दै विरोध प्रदर्शन

२१ चैत,डडेल्धुरा – स्थानीय चुनावका लागि भर्ना गर्न लागिएका म्यादी प्रहरी छनोटमा अनियमितता भएको भन्दै डडेल्धुरामा विरोध प्रदर्शन गरिएको छ ।

म्यादी प्रहरीको भर्ना छनौटमा नातावाद र कृपावाद हावी भएको भन्दै असन्तुष्ट युवाहरुले जिल्ला प्रहरी कार्यालय डडेल्धुरामा सोमबार बिहान ढुंगा प्रहार गरेका छन् ।

म्यादी प्रहरी छनौटको प्रारम्भिक चरणमा स्वास्थ्य तथा अन्य फिजिक टेस्टको आज नतिजा सार्वजनिक भएको थियो भने म्यादी प्रहरी भर्नाका लागि डडेल्धुरामा १ हजार ३ सय २६ जनाले आवेदन दिएका थिए । जस अन्तर्गत पहिलो चरणको स्वास्थ्य तथा फिजिकल परीक्षणबाट ६ सय ७२ जनालाई पास गरिएको छ । प्रहरी कार्यालयमा आक्रमण प्रथम चरणको परीक्षणमा अनुत्तिर्ण भएकाहरुले गरेको जिल्ला प्रहरी कार्यालय डडेल्धुराले बताएको छ ।