भारतीय वन रक्षक टोलीद्धारा चारजना नेपाली पक्राउ

१८ चैत, बर्दिया – भारतीय वन रक्षक टोलीले नेपाल–भारत सीमाअन्तर्गत बर्दियाको दशगजा नजिकैबाट चारजना नेपालीलाई पक्राउ गरेको छ।
पक्राउ पर्नेहरुमा स्थानीय २३ वर्षीय नरबहादुर कुमाल,२० वर्षीय सुशील कुमाल तथा ४५ वर्षीय सुनिल कुमाल र राजेन्द्र रेउ रहेका छन् । मधुवन नगरपालिका–३ दशगजा पिलर नम्बर ८२ नजिकैबाट भारतीय वन रक्षक गस्ती टोलीले उनीहरुलाई गय राति पक्राउ गरिएको इलाका प्रहरी कार्यालय ढोढरीले जनाएको छ । १० फिट लामो दुईवटा काठको गोलिया भारतीय जङ्गलबाट लिएरअवस्थामा नेपाल आउँदै गरेको बेला उनीहरुलाई पक्राउ गरेको दाबी भारतीय कतर्निया वन्यजन्तु आरक्ष टोलीको छ ।