Saturday 3rd December 2022

    चौथों नेपाल साँस्कृतिक अन्तर्राष्ट्रिय चलचित्र महोत्सव–२०७९ आयोजना हुँदै    सिक्किमका स्रष्टा शर्मालाई मिलाप सम्मान    पहिलो मुस्लिम नायिका सानियाको जन्मदिन    साधारणसदस्य लाई २० प्रतिशात बोनस प्रदान गर्दै गरिमा बचत    निम अवार्ड छैठौं संस्करणको आवेदन खुल्ला, अनलाईन मार्फत पनि फारम भर्न सकिने

ऐतिहासिक सम्पदाहरुको पुर्ननिर्माण सुरु भएको पुरातत्व विभागको दाबी

Friday, March 31, 2017 National Power

१८ चैत, काठमाडौं २०७२ सालको भूकम्पले क्षति पुर्याएको मन्दिर तथा पाटी निर्माणलाई तीव्र पारेको पुरातत्व विभागले दाबी गरे पनि केही मन्दिर, पाटी तथा सत्तलको मात्रै जिर्णोद्वार भएको छ । निर्माण हुँदै गरेको संरचनामा ठूलो बजेटमा ९ करोड देखि सानो बजेटमा ५ लाखसम्म छ ।

अहिलेसम्म काठमाडौंका लौहदेह, जमाचो पाटी, इचंगुनारायण सत्तल, बद्री नारायण र मन्दिर र भक्तपुरको रामेश्वर ललितपुरको प्याङगाउँको दुईवटा निर्माण भएका मन्दिर तथा पाटीमा छन् । प्याङगाउँकै एउटा पाटी भने निर्माणाधीन अवस्थामा छ ।

चालु आर्थिक वर्षको अन्त्यसम्ममा १२ वटा मन्दिर तथा पाटी निर्माण गरिसक्ने पुरातत्व विभागले जनाएको छ ।

पुरातत्व विभागका सिनियर डिभिजन इन्जिनियर सम्पत घिमिरेले काठको अभावका कारण निर्माणमा ढिलाइ भएको बताए ।
निर्माण प्रक्रियाको सुरुआत नै ढिलो भएकाले काम सम्पन्न हुन पनि ढिलो भएको जानकारी दिए । सम्पन हुनेमा भक्तपुरका दक्षिण बाराही, अनन्तलिंगेश्वर लगायतका छन् ।

अब पुनर्निर्माण तथा जिर्णोद्वार कार्यले निरन्तरता पाउने रअबको तीन वर्षभित्र सबै क्षतिग्रस्त संरचना तयार भइसक्ने घिमिरेले दाबी गरे ।

 

विभागका अनुसार निर्माणको जिम्मेवारी पाएको धरहराको ड्रइङ एन्ड डिजाइन पनि अन्तिम चरणमा पुगेको छ । अबको केही दिनमै पुनर्निर्माण प्राधिकरणलाई बुझाइने जानकारी दिएको छ ।