अनुमति नलिई सञ्चालनमा रहेका पानी कम्पनीलाई कारबाहीको चेतावनी

१८ चैत, काठमाडौं – अनुमति नलिई सञ्चालनमा रहेका पानी कम्पनी र खानेपानी वितरण गर्ने ट्याङ्करहरुलाई कारबाही गर्ने खानेपानी तथा सरसफाइ मन्त्री जीवनबहादुर शाहीले चेतावनी दिए ।

मन्त्री शाहीले जनस्वास्थ्यसँग प्रत्यक्ष जोडिएको विषयमा कसैसँग सम्झौता गर्न नसकिने भन्दै तत्काल दर्ता प्रक्रियामा आउन निर्देशन दिए ।

उनले तोकिएको समयभित्र अनुमति नलिने खानेपानी कम्पनी, फर्म लगायत संस्था सञ्चालन गर्न समेत नदिने बताए । उनले इजाजत नलिई सञ्चालनमा रहेका खानेपानी कम्पनीबाट उत्पादन भएको खानेपानीको गुणस्तर र अनुगमन गर्न कठिनाई भएकाले अनिवार्य रूपमा अनुमति लिनुपर्ने जानकारी दिए ।