अभिभावक नभएको मौका छोपी बालिका बलात्कृत

१८ चैत, कैलाली – धनगढी उपमहानगरपालिकामा एक बालिका बुधबार बलात्कृत भएकी छन् ।

बालिकाको घरमा बुवाआमा नभएको मौका छोपेर घरबेटीका छोरा १७ वर्षीय महेश्वर शर्माले बलात्कार गरेका आरोप रहेको जिल्ला प्रहरी कार्यालयका प्रहरी निरीक्षक ईन्द्र मल्लले बताए ।
ती बालिकालाई रक्ताम्मे अवस्थामा फेला पारेकी घरबेटीकी छोरीले अभिभावकको जिम्मा लगाएको बताइएको छ ।बालिकाको स्वास्थ्य अवस्था नाजुक रहेको र उनलाई सेती अञ्चल अस्पतालमा उपचार भइरहेको र अभियुक्त शर्मालाई पक्राउ गरी आवश्यक अनुसन्धान अघि बढाइएको प्रहरी निरीक्षक ईन्द्र मल्लले बताए ।