म्यादी प्रहरीमा जागिरको लागि नागरिकता लिनेको भीड

१७ चैत, हुम्ला – जिल्ला प्रशासन कार्यालयमा हुम्लामा तीनदेखि नागरिकता लिनेको भीड लागेको छ । नजिकै आएको निर्वाचनका लागि युवायुवतीले नागरिकता बनाउनका लागि आएका छन् ।

सामान्य दिनमा दैनिक चार–पाँचवटा मात्र नागरिकता वितरण हुने कार्यालयबाट अहिले दैनिक एकसयभन्दा बढिले नागरिकता प्राप्त गरेको कार्यालयले जनाएको छ ।

कार्यालयले चुनावको वातवरण तयार भएपछि अहिले कुनाकाप्चामा रहेका युवायुवतीले समेत नागरिकताका लागि दरखास्त दिएको बताउँदै अहिलेसम्म चारसय पाँचजनाले नागरिकता लिइसकेको जनाएको छ । म्यादी प्रहरीमा जागिर खाने उद्देश्यले पनि नागरिकता लिन आउनेको सङ्ख्या बढेको जिल्ला प्रशासन कार्यालयले बताएको छ।