Thursday 22nd February 2024

    एभरेष्ट नेपाल कल्चरल ग्रुपले १२ औं अन्तर्राष्ट्रिय लोक साँस्कृतिक मेलाको आयोजना गर्दै    चर्चित हाँस्य कलाकार गणेश ईशाराको एकल ‘अल नेपाल कमेडी शो’ कार्यक्रम गर्दै    गोर्खा वारियरको पोखरामा भव्य रेडकार्पेट प्रिमियर    पाशुपत क्षेत्रमा पहिलो पटक स्वस्थानी माताको ब्रतकथा बाचन हुँदै    चलचित्र पत्रकार संघ नेपालको प्रथम राष्ट्रिय भेलामा चलचित्र निर्देशक खरेललाई मानार्थ सदस्यता प्रदान

स्थानीय तहको चुनावलाई मध्यनजर गरी नेपाली कांग्रेसले तयारी तीव्र

Wednesday, March 29, 2017 National Power

१६ चैत, काठमाडौं – वैशाख ३१ गते हुने स्थानीय तहको चुनावलाई मध्यनजर गरी नेपाली कांग्रेसले तीव्र तयारी थालेको छ । कांग्रेसले संविधान बमोजिम राज्यको पुनर्संरचना र स्थानीय तहको चुनावका लागि पार्टीको तर्फबाट सम्बन्धित तहमा पार्टी सङ्गठन परिचालन गर्ने र उम्मेदवार चयन गर्ने लगायतका विषयमा आफ्नो विधानमा थप व्याख्या र स्पष्ट गरेको छ ।
कांग्रेसको तीन दिनसम्म राजधानीमा बसेको केन्द्रीय समिति बैठकले १३ औँ महाधिवेशनबाट गठित पार्टी संरचना कायम रहने गरी विद्यमान संरचनामार्फत जनस्तरसम्म सङ्गठन विस्तार गरी परिचालन गर्ने निर्णय गरेको जनाएको छ । स्थानीय तहको चुनाव प्रयोजनका लागि पार्टीले गाउँपालिका र नयाँ गठन भएको नगरपालिकाको केन्द्र रहेको गाउँ एकाइ सभापतिलाई संयोजक र अन्य एकाइ सभापतिलाई सहसंयोजक तथा सबै एकाइ कार्यसमितिका अहिले बहाल सबै पदाधिकारीलाई गाउँपालिका समन्वय समितिको सदस्य कायम गर्ने निर्णय गरेको छ ।