Saturday 24th February 2024

    एभरेष्ट नेपाल कल्चरल ग्रुपले १२ औं अन्तर्राष्ट्रिय लोक साँस्कृतिक मेलाको आयोजना गर्दै    चर्चित हाँस्य कलाकार गणेश ईशाराको एकल ‘अल नेपाल कमेडी शो’ कार्यक्रम गर्दै    गोर्खा वारियरको पोखरामा भव्य रेडकार्पेट प्रिमियर    पाशुपत क्षेत्रमा पहिलो पटक स्वस्थानी माताको ब्रतकथा बाचन हुँदै    चलचित्र पत्रकार संघ नेपालको प्रथम राष्ट्रिय भेलामा चलचित्र निर्देशक खरेललाई मानार्थ सदस्यता प्रदान

स्थानीय युवाहरूको कुटपिटद्धारा कांग्रेस नेताको हत्या

Wednesday, March 29, 2017 National Power

१६ चैत, जाजरकोट – नेपाली कांग्रेसका नेता रवीन्द्र शाहको हत्या भएको छ। जाजरकोट भेरीमालिका–३ निवासी रवीन्द्र शाहको स्थानीय युवाहरूको समूहले कुटपिट गरी हत्या गरेको जिल्ला प्रहरी कार्यालय, जाजरकोटले जनाएको छ।

पाँचतारा युवा संरक्षण मञ्चका अध्यक्ष तथा निर्माण व्यवसायी समेत रहेका कांग्रेस स्थानीय नेता शाहलाई साँझ करिब ७ बजे सदरमुकाम खलंगामा साथीसँग घुम्न निस्केको समयमा करिब १० जनाको समूहले ढुंगा र भाटाले हानेर ज्यान लिएको प्रत्यक्षदर्शीले जानकारी दिएका छन्।

जिल्ला अस्पताल नजिकै तल्लोथाप्लेमा तीन साथीहरु हिटलरसिंह राठौर, किरण थापा र भीमबहादुरसँग रहेका ३७ वर्षीय शाहमाथि आक्रमण भएपछि उनका साथीहरु भागेका थिए।घटनाको अनुसन्धान अघि बढेको जिल्ला प्रहरी कार्यालय, जाजरकोटले जनाएको छ।