Thursday 26th May 2022

    सरकारले लिम्पियाधुरा फिर्ता ल्याउन नसकेर कायरता प्रदर्शन गरेको छ : ओली    काँग्रेसले आफ्नो पहिचान गुमाएको छ : ओली    केपी शर्मा ओलीको झण्डै तीन घण्टा संसदलाई सम्बोधन    यी हुन् डिएसए स्टार र ट्यालेन्ट स्टार नेपालका विजेता    १० औं नेपाल अफ्रिका फिल्म फेस्टिबल मा नेपाली चलचित्र कुईनेटो सहित १५ देशका २६ फिल्म चयन

पहिलाे लेगमा नेपाल फिलिपिन्ससंग पराजित

Tuesday, March 28, 2017 National Power

१५ चैत,  फिलिपिन्स – एसियन कप छनौट अन्तर्गत नेपाल फिलिपिन्ससँग ४-१ ले पराजित भएको छ। मनिला स्थित रिजल मेमोरियल रंगशालामा भएको खेलमा नेपाल ४-१ ले पराजित भएको हो।

खेलको १५ औं मिनेटमा नेपाली खेलाडी विक्रम लामा रेड कार्ड पाई बाहिरिएपछि नेपाली टोली १० खेलाडीमा सिमित भएको थियो। विक्रम लामाको फलमा फिलिपिन्सले पाएको पेनाल्टीलाई नेपाली गोलकिपर किरण चेमजोङले रक्षा गरे पनि घरेलु टोलीका कप्तान फिलिप योङहस्वेन्डले खेलको २२ औं र २५ औं मिनेटमा गोल गर्दै नेपाललाई दवावमा राखेका थिए।

खेलको २८ औं मिनेटमा आयान रामसेले गोल गर्दै फिलिपिन्सलाई ३-० को अग्रता दिलाएका थिए। पहिलो हाफको इन्जुरी समयमा नेपालका विशाल राईले गोल फर्काउँदै अन्तरलाई कम गरेका थिए। ७२ औं मिनेटमा फिलिपिन्सका ह्‌याभिर पाटिनोले गोल थपे।