Saturday 13th April 2024

    चेतन कार्की र निशा स्मृति पुरस्कार बैशाख १३ गते प्रदान गरिने    नयाँ वर्षको कार्यक्रममा लाईभ सांगितिक प्रस्तुतिका लागि प्रख्यात बलिउड गायक र र्‍यापर मेलो डी नेपालमा    चेम्बर आन्दोलनकै सशक्त नारी हस्ताक्षर उर्मिला श्रेष्ठ चेम्बर उपाध्यक्षमा निर्वाचित (जीवनीसहित)    आध्यात्मिकता र आधुनिकताको सुन्दर संयोजनस् कश्यप एकेडमी    होलिडे ट्रिप नेपाल ट्राभल एण्ड टुर्स प्रालिका प्रवन्ध निर्देशक कार्की सम्मानित

जिल्लामा एक प्रहरीले पाँच सयभन्दा बढी नागरिकलाई सुरक्षा

Tuesday, March 28, 2017 National Power

१५ चैत, डडेल्धुरा – डडेल्धुरा जिल्लामा एक प्रहरीले पाँच सयभन्दा बढी नागरिकलाई सुरक्षा दिनुपर्ने अवस्था छ। जिल्लाको जनसंख्याअनुसार एक प्रहरीले पाँच सय ११ नागरिकको सुरक्षा दिनुपर्ने अवस्था रहेको हो।

जिल्लामा हाल एक नायब उपरीक्षक, दुई निरीक्षक, आठ नायब निरीक्षक, २६ सहायक निरीक्षक, ६१ हवल्दार र एक सय ७२ जना जवान गरी २ सय ७८ जना प्रहरी रहेका छन्। जिल्लामा एक इलाका प्रहरी कार्यालय जोगबुडासहित १४ वटा प्रहरी चौकी रहेको जिल्ला प्रहरी कार्यालय डडेल्धुराले जनाएको छ ।

यस्तै जिल्लामा तीन वटा अस्थायी प्रहरी चौकी रहेका छन् भने एक प्रहरी बिट रहेको कार्यालयले जनाएको छ। जिल्ला तथ्याङ्क कार्यालय डडेल्धुराले दिएको जनाकारी अनुसार २०६८ सालको जनगणना अनुसार जिल्लामा ७५ हजार ५ सय ३८ महिला र ६६ हजार ५ सय ५६ पुरुष गरी एक लाख ४२ हजार ८४ जना नागरिक रहेका छन् ।