Wednesday 19th January 2022

    काठमाडौँमा आजदेखि थप कडाइ, के गर्न पाइन्छ, के पाइँदैन ?    सर्वोच्च अदालतमा आजदेखि जरुरी मुद्दामा मात्र सुनुवाइ हुने    भोजपुरी फिल्मका स्टारको गाडीमा आगजनी, खेसारीलाल भन्छन्, 'यो घटनामा मेरो डेढ करोडको नोक्सानी भयो    गायक रेवती घिमिरेको जाला जोबन सार्बजनिक हेर्नुहोस    वैशाखमै स्थानीय तहको निर्वाचन गर्न सत्ता गठबन्धन सहमत

विद्युत चुहावटमा संलग्न सात महिलासहित २० जना पक्राउ

Monday, March 27, 2017 National Power

१४ चैत, झापा – झापाबाट विद्युत चुहावटमा संलग्न सात महिलासहित २० जना पक्राउ परेका छन् । झापाको कनकाई नगरपालिकास्थित सुरुङ्गाबाट विद्युत चोरी गर्दा गर्दै उनीहरुलाई गए राती नेपाल विद्युत प्राधिकरण अनारमनी वितरण केन्द्र र इलाका प्रहरी कार्यालय अनारमनीको संयुक्त गस्ती टोलीले विद्युतीय उपकरणसहित पक्राउ गरेको हो ।

विद्यूत प्राधिकरणको अनारमनी वितरण केन्द्रका अनुसार उनीहरुलाई सुरुङ्गाको प्रजापति टोलबाट पक्राउ गरिएको हो । पक्राउ परेका सबैलाई इलाका प्रहरी कार्यालय अनारमनीमा राखिएको बताइएको छ ।

उनीबाट सिँचाइको मोटर, विद्युतीय तार बरामद गरिएको,त्यस्तै हुकिङ गरेर घरमा जडान गरिएको तार, मिटर समेत बरामद गरिएको छ ।

उनीहरुमाथि विद्युत चुहावट नियन्त्रण ऐनअन्तर्गत कारबाही अघि बढाइने नेपाल विद्युत प्राधिकरण अनारमनी वितरण केन्द्रका केन्द्रले जनाएको छ ।