Sunday 16th January 2022

    एक्शन, सस्पेन्स र प्रेममा आधारित वेवसिरिज “तिमी बिना” रिलिज    तिमिलाई रुन दिन्न भन्दै बजारमा आए गायक कृष्ण काफ्ले    सीमा नाकामा उच्च सतर्कता    सुदूरपश्चिम प्रदेशमा माघ २ गते सार्वजनिक विदा    रुबी भ्यालीको पहिरोमा पुरिएकाहरु अझै भेटिएनन्

निर्वाचनलाई सुरक्षा योजना लागू गर्ने पूर्वाञ्चल प्रहरी

Sunday, March 26, 2017 National Power

१३ चैत, काठमाडौं – सरकारले घोषणा गरेको स्थानीय चुनाव सम्पन्न गर्नु प्रहरीको दायित्व भएकाले पूर्वाञ्चलमा निर्वाचनलाई केन्द्रित गरी सुरक्षा योजना लागू गर्ने पूर्वाञ्चल प्रहरी प्रमुख डिआइजी रमेश भट्टराईले बताएका छन् ।

डिआइजी भट्टराईले स्थानीय तहको निर्वाचनलाई शान्तिपूर्ण रुपमा सम्पन्न गराउने प्रहरीको दायित्व भएकाले पूर्वाञ्चलमा सुरक्षा व्यवस्थाका लागि सोही अनुरुपको तयारी गरिने बताए ।

डीआईजी भट्टराईले पूर्व क्षेत्रीय प्रहरी कार्यालय विराटनगरमा आज पत्रकार सम्मेलन गरी चुनावलाई लक्षित गरी हुन सक्ने अपराध नियन्त्रण, मतदाता तथा उम्मेदवारको सुरक्षा प्राथमिकतामा रहने जानकारी दिए । संगठित अपराध, गुन्डागर्दीजस्ता आपराधिक प्रवृत्तिको अन्त्यका लागि प्रहरी नागरिकसँग सहकार्य गर्दै अघि बढ्ने पनि बताए ।

भट्टराईका अनुसार प्रहरी सेवाको प्रवाह, अपराध अनुसन्धान तथा नियन्त्रण, सुशासन कायम गर्न प्रशासनिक सुधार, प्रविधिको अधिकतम उपयोगका साथै ट्राफिक व्यवस्थापनलाई प्रभावकारीरुपमा अघि बढाइने भनाई रहेको छ ।