अनुसन्धानका लागि सिके राउतलाई १० दिन थप

११ चैत, सिरहा – सिरहा जिल्ला अदालतले राज्य विरुद्धको संगठित अपराध अन्तर्गत मुद्दा चलाइएका स्वतन्त्र मधेश गठबन्धनका सिके राउतलाई थप दश दिनसम्म थुनामा राखेर अनुसन्धान गर्न आदेश दिएको छ ।

राउतलाई स्वतन्त्र मधेशको पक्षमा गतिविधि गरेको आरोपमा धनुषाको जनकपुरमा पक्राउ गरी लहानमा मुद्दा दायर गरिएपछि राउतलाई पहिलो पटक गत माघ २१ गते दस दिनसम्म थुनामा राख्ने आदेश दिएको थियो ।

जिल्ला प्रहरी कार्यालय सिरहाका प्रमुख शेखर कोइरालाले चौथो पटक २० दिनको र पाचौ पटक चैत ११ गते जिल्ला अदालत सिरहाले थप दश दिनसम्म थुनामा राखेर अनुसन्धान गर्न आदेश दिएको जानकारी दिए ।