Tuesday 21st September 2021

    ‘अनलाइन एक्टिङ कम्पिटिसन’ को विजेता बने मनिष पाण्डे    रोमन परियार र रिया नापितलाई ‘मिस्टर एण्ड मिस ग्ल्यामर’को ताज    गायक सुनिल थापा मगरको मर्मस्पर्शी गीत 'निर हो' सार्वजनिक    ‘मिस्टर एण्ड मिस टिन ग्ल्याम नेपाल २०२१’ को उपाधी सुमन तामाङ र निर्जला रजकले जिते    चिज कुमार श्रेष्ठको अभिनयमा जे बि बिष्टको सन्देशमुलक गीत सार्वजनिक

स्थानीय तहको निर्वाचनका लागि म्यादी प्रहरीमा भर्ना आह्वान

Friday, March 24, 2017 National Power

११ चैत, काठमाडौं – सरकारले स्थानीय तहको निर्वाचनका लागि म्यादी प्रहरीमा भर्ना खोलेको छ । प्रहरी प्रधान कार्यालयले बिहीबार ७५ हजार म्यादी प्रहरीका लागि भर्ना आह्वान गरेको हो । साधारण लेखपढ गर्न जान्ने, शारीरिक रूपमा तन्दुरुस्त, कुनै दलको सदस्य नभएको र कुनै फौजदारी अभयोग नलागेको १८ देखि ५४ वर्ष उमेर बीचका व्यक्ति म्यादी प्रहरी हुन सक्ने प्रहरी प्रधान कार्यालयद्वारा जारी सूचनामा उल्लेख छ । भर्ना हुनेले  ११ देखि १७ चैतभित्र फाराम भरिसक्नुपर्नेछ ।

नेपाल प्रहरीको वेबसाइटबाट  नेपालपुलिस डट जिओभी डट एनपीमा फाराम राखिएको छ । उनीहरूले मासिक १७ हजार २ सय ३० रुपैयाँ तलब पाउनेछन् । म्यादी प्रहरीले ड्रेस, प्रहरी जवानको बराबर तलब र खाजा खर्च पाउनेछन् । ५५ दिनका लागि सरकारले म्यादी प्रहरी भर्ना गर्न लागेको हो । ७५ जिल्लाकै जिल्ला प्रहरी कार्यालय मार्फत फाराम बुझाउन सकिनेछ । १९ देखि २२ चैतसम्म छनोट हुने र २२ चैतमा नतिजा प्रकाशन हुने प्रहरी प्रधान कार्यालयले जनाएको छ ।  सरकारले अघिल्लो चुनावमा भन्दा ३० हजार धेरै म्यादी प्रहरी भर्ना गर्न लागेको हो ।