१० चैत, काठ्माण्डौ – प्रधानमन्त्री पुष्पकमल दाहाल ‘प्रचण्ड’ले मुलुकको समसामयिक परिस्थिति, संसद्को चालु अधिवेशन, स्थानीय तहको निर्वाचन र चीन भ्रमणबारे संसदीय दललाई जानकारी गराएका छन् ।
प्रमुख सचेतक टेक बहादुर बस्नेतले सिहदरवारस्थित संसदीय दलको कार्यालयमा आज बसेको बैठकमा निर्वाचन र संविधान कार्यान्वयनसँग सम्बन्धित कानुन पारित गर्नुपर्ने र संसद मार्फत नै दलहरुबीच कयौँ विषयमा सहमति खोज्नुपर्ने आवश्यकतालाई दृष्टिगत गरी संसद्को अधिवेशन जारी राख्नु पर्ने कारणबारे जानकारी दिए ।बस्नेतले प्रदेश संयोजक र संसदीय समितिले स्थानीय तह पुनःसरचना, सीमाङ्कन तथा स्थानीय तहको स्तरउन्नतिका बारेमा आएका गुनासोबारे सुझाव सङ्कलन गरी सरकारलाई प्रतिवेदन दिने निर्णय भएको बताए ।