बैतडीमा एसइइ परीक्षार्थीकोे मृत्यु

९ चैत, बैतडी  – बैतडीमा माध्यमिक शिक्षा परीक्षा (एसइइ) परीक्षा दिइरहेका एक परीक्षार्थीको अन्जानमा उच्चरक्तचापको औषधि खाँदा ज्यान गएको छ । दशरथचन्द नगरपालिका–५ का १८ वर्षका कैलाश दमाईको ज्यान गएको जिल्ला प्रहरी कार्यालयले जनाएको छ ।

कैलाशले सोमबार आमाका लागि ल्याएकोे रक्तचापको औषधी सेवन गरेको र थप उपचारका लागि कैलाली लैजाँदै गर्दा मंगलबार बिहान बाटो मै ज्यान गएको प्रहरीले बताएको छ ।

दशरथचन्द मावि सुन्दरखालीमा अध्ययनरत कैलाश शाहीलेकमा रहेको वीरेन्द्र मावि केन्द्रबाट एसइइ परीक्षा दिइरहेको जिल्ला शिक्षा कार्यालयका ले जनाएको छ ।