हिन्दूराज्य कायमको माग गर्दै निर्वाचन कार्यालय घेराउ

८ चैत, डडेल्धुरा – राष्ट्रिय प्रजातन्त्र पार्टी डडेल्धुराले हिन्दूराज्य कायम गरिनुपर्ने भन्दै सोमबार निर्वाचन कार्यालय घेराउ गरेको छ ।

राप्रपाले हिन्दूराष्ट्र कायम गरिनुपर्ने र निर्वाचन आयोगको निर्णय गलत भन्दै सोको खारेजीको माग गर्दै सदरमुकाम परिक्रमा गरी निर्वाचन कार्यालयमा धर्ना दिएको थियो ।

पार्टीले संविधान अनुसार पार्टीको स्वतन्त्र विचारको कदर गरिनुपर्ने माग राख्दै डडेल्धुरामा जुलुस निकालेको राप्रपा डडेल्धुराले जनाएको छ । राप्रपाले विभिन्न नारा र मागसहितका प्लेकार्ड बोकेर निर्वाचन आयोगमा धर्ना कार्यक्रम आयोजना गरेको थियो ।