बस र ट्रक एक आपसमा ठोक्किदा ११ जना घाइते

८ चैत, चितवन – काठमाडौँबाट काँकडभिट्टातर्फ जाँदै गरेको ना ५ ख २२९५ नंको बस र वीरगन्जबाट पोखरा जाँदै गरेको ना ६ ख ७९७१ नंको ट्रक गएराति पूर्वी चितवनको खैरहनीस्थित राजमार्गमा एकआपसमा ठक्कर खाँदा ११ जना घाइते भएका छन् ।

काँकडभिट्टातर्फ जाँदै गरेको बसका नौजना र वीरगन्जबाट पोखरा जादै गरेको ट्रकका दुई जना घाइते भएका हुन् । भरतपुरको कलेज अफ मेडिकल साइसेन्समा उनीहरुको उपचार भइरहेको र घाइतेमध्ये एकजनाको अवस्था गम्भीर रहेको जिल्ला प्रहरी कार्यालय चितवनले जनाएको छ । दुर्घटना राति १२ः३० बजेको समयमा भएको हो ।