Friday 12th April 2024

    चेतन कार्की र निशा स्मृति पुरस्कार बैशाख १३ गते प्रदान गरिने    नयाँ वर्षको कार्यक्रममा लाईभ सांगितिक प्रस्तुतिका लागि प्रख्यात बलिउड गायक र र्‍यापर मेलो डी नेपालमा    चेम्बर आन्दोलनकै सशक्त नारी हस्ताक्षर उर्मिला श्रेष्ठ चेम्बर उपाध्यक्षमा निर्वाचित (जीवनीसहित)    आध्यात्मिकता र आधुनिकताको सुन्दर संयोजनस् कश्यप एकेडमी    होलिडे ट्रिप नेपाल ट्राभल एण्ड टुर्स प्रालिका प्रवन्ध निर्देशक कार्की सम्मानित

मोरङको टंकिसिनवारीस्थित उद्योगमा आग लागि क्षतिको विवरण संकलन भइरहेको

Friday, March 17, 2017 National Power

४ चैत्र, मोरङ – आज बिहान ४ बजेदेखि मोरङको टंकिसिनवारीस्थित जयश्री पियुटेक उद्योगमा आगो लागेकोअझै नियन्त्रणमा आउन सकेको छैन । झापा, विराटनगर, सुनसरी, इटहरी, इनरुवा, सप्तरी, र धरानलगायत नगरपालिकाका दमकल प्रयोग गरी आगो निभाउने प्रयास भइरहेको प्रहरीले जनाएको छ ।

प्रहरीका अनुसार आगो नियन्त्रणमा आउन कठिन भएकाले आगो फैलिएर थप क्षति नहोस् भनेर उद्योग आसपासका क्षेत्राका बासिन्दा र अन्य उद्योगमा सतर्कता अपनाउन थालिएको छ । उद्योग परिसरमा रहेको बिजुलीको ट्रान्सफर्मर विष्फोट भएकाले त्यही कारण आगलागी सुरु भएको अनुमान गरिएको छ ।

बिहानैदेखि आगो निभाउन प्रहरी, स्थानीय बासिन्दा लगायत सक्रिय रहेका छन् । झापा, मोरङ, सुनसरी र सप्तरी गरी चार जिल्लाका १० वटा दमकल प्रयोग भइरहेको प्रहरीले जनाएको छ । आगोले उद्योगका कच्चा पदार्थ र तयारी सामान जलेको छ । क्षतिको विवरण संकलन भइरहेको मोरङका प्रहरी उपरीक्षक सन्दिप भण्डारीले बताएका छन् ।